ABŞ aprelin 6-dək İranla razılaşma imzalanacağına ümid edir

ABŞ aprelin 6-na qədər İranla razılaşma imzalanacağına ümid edir.

Bu barədə Ağ Evin mətbuat katibi Kerolayn Levitt jurnalistlərlə söhbətində deyib.

Ondan ABŞ Prezidenti Donald Trampın əvvəllər "Truth Social"da Vaşinqtonun İranın enerji infrastrukturuna zərbələri 10 gün, yəni 6 aprelə qədər dayandırdığını yazdığı paylaşımla bağlı şərh verməsi istənilib.

ABŞ-nin müəyyən edilmiş müddət ərzində nəyə nail olmağı ümid etdiyi soruşulduqda Kerolayn Levitt Trampın "razılaşma əldə etmək istədiyini" izah edib.

"Vaxt azalır, cəmi bir neçə gün qalıb. Görək bu 10 günlük müddətdən sonra nə olacaq", – deyə o əlavə edib.

Qeyd edək ki, Donald Tram daha əvvəl bildirib ki, Tehran Vaşinqtonla sülh danışıqlarını pozarsa, ABŞ İranın bütün elektrik stansiyalarını, neft quyularını və Fars körfəzindəki Xarq adasını məhv edəcək.

Tramp həmçinin ABŞ-nin silahlı münaqişəyə son qoymaq üçün yeni, daha ağlabatan İran hakimiyyəti ilə danışıqlar apardığını açıqlayıb. O əlavə edib ki, bu müzakirələr zamanı əhəmiyyətli irəliləyiş əldə edilib.