ABŞ astronavtları Ayda uzunmüddətli missiyalara hazırlaşır, NASA daimi baza qurmaq niyyətindədir

ABŞ gələcəkdə Aya Beynəlxalq Kosmik Stansiyanın analoqu olan uzunmüddətli missiyalar göndərə biləcək.

Bu barədə jurnalistlərə ABŞ kosmik agentliyinin rəhbəri Cared İsaakman deyib.

O bildirib ki, məqsəd Beynəlxalq Kosmik Stansiyadakı astronavtların uzunmüddətli qalmasına bənzər şəkildə Ayın cənub qütbündə yaradılacaq baza qurmaqdır.

“Beynəlxalq Kosmik Stansiyada astronavtlarımız dörddəbir əsrdən çoxdur ki, tədqiqatlar aparırlar və biz bu təcrübəni Ayın səthinə köçürməyə çalışırıq. NASA 2028-ci ildə “Artemis 4” missiyasının bir hissəsi olaraq astronavtları Aya endirməyi planlaşdırır.

Prezident Donald Trampın milli kosmik siyasətlə bağlı mövqeyi ondan ibarətdir ki, biz sadəcə Aya bayraqlar sancmaq və ayaq izləri qoymaq məqsədilə getməyəcəyik, əksinə, başqa bir dünyada – Ay bazasında ilk insan forpostunu yaratmaq üçün orada qalacaq və mövcud olacağıq. Buna görə də iki fərqli eniş aparatı üzərində işlər aparılır. Onlardan biri “SpaceX”, digəri isə “Blue Origin” tərəfindən hazırlanır. Beynəlxalq Kosmik Stansiyanın rəhbəri qeyd edib ki, NASA astronavtları təkbaşına Aya endirə bilməyəcək: bu, özəl aerokosmik şirkətlərlə əməkdaşlıq tələb edəcək”, – deyə Cared İsaakman vurğulayıb