ABŞ-də insanları dəhşətə gətirən əməliyyat | 54 yaşlı qadına…

ABŞ-də bir ilk yaşanıb.

Belə ki, ölkənin Nyu-York Universitetinin Tibb Fakültəsinin cərrahları ilk dəfə süni ürək nasosu və geni dəyişdirilmiş donuz böyrəyinin birgə transplantasiyasını həyata keçiriblər.

54 yaşlı pasiyent Liza Pizano yaşamaq üçün bu yolun son ümidi olduğuna görə əməliyyata razılıq verib.

Qeyd edək ki, o, böyrək və ürək çatışmazlığından əziyyət çəkib. 2 mərhələli əməliyyat zamanı əvvəlcə qadının ürəyinin fəaliyyətini yaxşılaşdırmaq məqsədilə döş hissəsinə nasos quraşdırılıb. Doqquz gün sonra isə transplantoloqlar tərəfindən ona geni dəyişdirilmiş donuz böyrəyi və donuz timusu köçürülüb.

Həkimlər bildiriblər ki, sözügedən hadisə dünyada insana orqan transplantasiyası ilə birlikdə mexaniki ürək nasosunun implantasiya edildiyi ilk əməliyyat, donuz böyrəyinin insana köçürülməsi ilə bağlı 2-ci belə əməliyyatdır. Onların sözlərinə görə, köçürülən böyrəyin fəaliyyəti əladır. Bundan əlavə, pasiyentin ürəyi də əvvəlki ilə müqayisədə daha yaxşı işləyir.