ABŞ Dövlət Departamenti Tehranı sanksiyalarla hədələdi

13 avqust 2024 272 baxış

“İranın İsrailə hücumu bu həftə ola bilər”.

Bunu Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi jurnalistlərə bildirib.

“ABŞ yaxın günlərdə İrandan İsrailə qarşı kütləvi silsilə hücumlara hazırlaşır. Biz bunu çox yaxından izləməyə davam edirik. İndiki məqamda hücumun İrandan, yoxsa onun proksilərindən gələcəyini, bunun necə görünə biləcəyini dəqiq söyləmək çətindir”, – deyə C.Kirbi qeyd edib.

Bu arada, Dövlət Departamenti İranı hədələyib.

“ABŞ və müttəfiqləri Tehranın Moskvaya ballistik raketlər ötürəcəyi təqdirdə İrana qarşı sanksiyaları sərtləşdirməyə hazırdır”.

Bunu qurumun mətbuat katibinin müavini Vedant Patel bəyan edib. “Biz və tərəfdaşlarımız həm Yeddilik Qrupunun, həm də NATO-nun bu yay sammitlərində aydın şəkildə ifadə etdiyimiz kimi, İran ballistik raketlərin ötürülməsi baxımından irəliləyəcəyi təqdirdə, birlikdə tez və güclü şəkildə Tehrana cavab verməyə hazırıq”, – deyə o qeyd edib.

#İran