ABŞ Dövlət Departamentində qalmaqal | Metyu Miller çıxılmaz vəziyyətdə

ABŞ Dövlət Departamentinin sözçüsü Metyu Miller keçirdiyi mətbuat konfransında gərgin anlar yaşayıb.

Jurnalistlərdən biri onu Qəzzada baş verənlərə biganə yanaşmaqda və sözügedən bölgələrə Kiyevlə eyni münasibəti göstərməməkdə ittiham edib.

Metyu Miller isə bildirib ki, kontekstlər bir-birindən çox fərqlənir:

“Mən sizə bununla bağlı nümunə də gətirəcəyəm. Əksər hallarda zərbənin kim tərəfindən endirildiyi bəlli olur. Məsələn, bu, hava hücumudursa, şübhəsiz ki, İsrailin burada əli var. Lakin bəzən qarşılıqlı cavab atəşləri də baş tutur. Bu isə bizə aydın olmur. Çünki kimin ilk hücumu həyata keçirdiyini müəyyən etmək bizim üçün çətindir.

Bunu tapmağın daha bir yolu da hədəfin nə olduğunu anlamaqdır. Rusiya-Ukrayna cəbhəsində bunu müəyyən etmək daha asandır. Çünki konkret hədəflər var. Həmçinin onlar mülki şəxslərin arxasında gizlənmirlər. Baş qərargah da xəstəxanalarda və ya digər mülki şəxslərə aid olan yerlərdə yerləşmir. HƏMAS-ın fəaliyyəti isə bundan ibarətdir.

Demək istədiyim odur ki, Qəzzada zərbələr barəsində araşdırma apararkən həmişə bunu kimin həyata keçirməsi yox, həm də hücumun qanuni hədəfə edilib-edilməməsi məsələsi də var. Beləliklə, Qəzzadakı prosesləri Rusiya-Ukrayna cəbhəsində baş verənlərlə bir tutmaq olmaz”.