ABŞ hərbi əməliyyatlarla bağlı planlarını yenidən nəzərdən keçirir
ABŞ İranla müharibə zamanı mindən çox “Tomahawk” uzaqmənzilli raketindən istifadə edib.
Bu barədə "The Wall Street Journal" (WSJ) amerikalı rəsmi mənbələrə istinadla məlumat yayıb.
Məlumata görə, Vaşinqton həmçinin THAAD və “Patriot” hava hücumundan müdafiə sistemləri də daxil olmaqla, 1500–2000 arası kritik əhəmiyyətli tutucu raket sərf edib.
Qəzet qeyd edir ki, istifadə olunan silah ehtiyatlarının tam bərpası altı ilə qədər vaxt apara bilər. Bu isə ABŞ administrasiyasında gələcək mümkün böhranlara hazırlıq planlarının yenidən nəzərdən keçirilməsi ilə bağlı müzakirələrə səbəb olub.
WSJ yazır ki, sursatların bu qədər sürətlə tükənməsi bəzi amerikalı rəsmilərdə ABŞ-nin yaxın perspektivdə Tayvanın müdafiəsi ilə bağlı planlarını tam şəkildə yerinə yetirə bilmə qabiliyyətinə dair narahatlıq yaradıb.
Bununla yanaşı, rəsmi şəxslər Çinə qarşı yaxın zamanda hər hansı münaqişə riskinin olmadığını vurğulayır. Bildirilir ki, Çin Xalq Respublikasının sədri Si Cinpin gələn ay Pekində ABŞ Prezidenti Donald Trampla sammitə hazırlaşır.
#ABŞ-İran müharibəsi teqi istifadə olunub
- "Limanların blokadası müharibə aktıdır" | Yeni sanksiyalar müharibəyə səbəb olacaq? - Baku TV
- İrana məxsus dolu yük gəmisi ABŞ qüvvələri tərəfindən saxlanılıb - Baku TV
- İran təbliğatı Amerika ictimai rəyini manipulyasiya edir? - Baku TV
- "Fitch Ratings": İran müharibəsi Qafqazda inflyasiyanı artıra bilər
- Atəşkəs bitdi? | Tramp rəsmi Tehranı nədə ittiham edir? - Baku TV CANLI
