ABŞ Mərkəzi Bankı dollarla bağlı hansı qərarı verdi? | Detallar açıqlandı

ABŞ-nin Mərkəzi Bankı funksiyasını yerinə yetirən Federal Ehtiyat Sistemi (FED) keçirdikləri iclasın nəticələrinə görə baza dərəcəsini 0,25 bənd azaldaraq 4,5-4,75 faizə endirib.

Məlumatda bildirilib ki, faiz dərəcəsinin azalması gözlənilirdi. Bu proses uzun müddət dəyişməz qalan faiz dərəcələrinin ardınca ikinci dəfə həyata keçirilib.

Məlumatda deyilir ki, Açıq Bazar Əməliyyatları üzrə Federal Komitə öz hədəflərini dəstəkləmək məqsədilə federal fondlar üzrə faiz dərəcəsinin hədəf diapazonunu 0,25 baza bəndi, yəni 4,5-4,75 faizə endirməyə qərar verib.

Amerika tənzimləyicisi qeyd edib ki, ABŞ-də iqtisadi aktivlik davam edir və sürətlə böyüməkdədir. İl ərzində əmək bazarındakı şərait yaxşılaşsa da, işsizlik səviyyəsi artıb, amma bu da o qədər də yüksək göstərici deyil. Eləcə də ölkədə inflyasiya həddi 2 faizə yaxınlaşsa da, bu rəqəm də o qədər də böyük artım deyil.