Dünya
Pleyeri seçin:
ABŞ-ni silkələyən sensasiyalı açıqlama | Həyatda olduğunu sübut edin!
ABŞ-nin “Fox News” kanalının aparıcısı Bret Baier Demokratlar Partiyasından Prezident Co Baydenin “həyatda olduğunun sübutunu” təqdim etməyi tələb edib.
Jurnalist bildirib ki, dünya Ağ Ev rəhbərinin prezidentlik yarışından geri çəkildiyini yalnız özünün “X” sosial şəbəkədə dərc olunmuş bəyanatından öyrənib.
Ümumiyyətlə, ölkə rəhbərini son 24 saat ərzində heç kim görməyib və bu, jurnalisti narahat edir. O deyib ki, sözügedən məsələ haqqında nə rəsmi qeyd var, nə görüntü.
Daha bir telejurnalist Dana Perino da bu fikri təkrarlayıb. Onun sözlərinə görə, son çəkilişdən bəri C.Baydenin heç fotoşəkili belə dərc olunmayıb.
Bəziləri hesab edirlər ki, prezidentlik yarışından geri çəkilməklə bağlı bəyanat şəxsən C.Bayden tərəfindən imzalanmayıb. Arqumentlər çox deyil, amma var: xüsusən də dərc edilmiş sənəddəki imzadakı “B” hərfi digərlərindən fərqlidir.
Qeyd edək ki, “Fox News” mühafizəkar mövqeyi ilə seçilir və Respublikaçılar Partiyasına yaxındır.
Kopyalandı
Seçilmişlər
