ABŞ Suriyada İrana qarşı əməliyyat keçirdi

ABŞ Ordusu ölkə Prezidenti Cozef Baydenin əmri ilə Suriyada İran İslam İnqilabı Keşikçiləri Korpusunun hədəflərinə dəqiq zərbələr endirib. Nəticədə azı 6 iranlı ölüb.

Bu barədə Pentaqon rəhbəri Lloyd Ostin məlumat verib.

Bildirib ki, zərbələrin endirilməsinə səbəb İraq və Suriyada ABŞ-nin ordusuna qarşı davamlı hücumların edilməsi olub. Livanın “Əl Mayadin” telekanalının yaydığı məlumata görə bu hücuma cavab olaraq, ABŞ-nin Suriyanın şərq və şimal-şərqində yerləşən hərbi bazaları atəşə məruz qalıb.

Qeyd olunub ki, Deyr əz-Zor əyalətindəki Koniko qaz yatağı yaxınlığındakı ABŞ hərbi bazasına 15 raket atılıb. Qəzetin iddiasına görə, nəticədə amerikalı əsgərlər həlak olub.

Ölkənin Suriyanın şimal-şərqindəki Həsəkə əyalətində yerləşən digər “Əl-Şəddadi” bazasına isə PUA-larla hücum edilib. Buna görə məsuliyyəti İsraillə müharibədə HƏMAS-a dəstək verən İraq İslami Müqaviməti öz üzərinə götürüb.