Aİ Ermənistanla Rusiyanın tarixi əlaqələrini pozmağa çalışır | Mariya Zaxarova - Baku TV

“Avropa İttifaqı (Aİ) indiki vəziyyətində Ermənistana təklif edə biləcəyi ciddi bir şeyə malik deyil, ancaq onun Rusiya ilə tarixi əlaqələrini pozmağa çalışır”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Bu bəyanatlar fonunda Kallas, fon der Leyen və digərlərinə xatırlatmaq istəyirəm ki, Ermənistanın hətta namizəd ölkə statusu belə yoxdur, amma Brüsseldə artıq hansısa “Avropa gələcəyi” haqqında danışırlar. Halbuki bu ifadənin arxasında konkret olaraq nəyin dayandığını demirlər. Avropa İttifaqı indiki formada tərəfdaşlarına iqtisadi durğunluqdan, düşünülməmiş silahlanma yarışından və təhlükəli xarici siyasət avantüralarından başqa heç nə təklif edə bilmir. Bura Rusiyaya qarşı düşmən və rusofob siyasətə qoşulmaq da daxildir”, – o bildirib.

Mariya Zaxarova əlavə edib ki, Avropa strukturları səsvermədən əvvəl Ermənistan cəmiyyətinə qəsdən saxta dilemma təqdim edərək, parlament seçkilərini Avropa İttifaqı ilə Rusiya arasında seçim kimi göstərməyə çalışıblar:

“Nə dəxli var? Bu, erməni xalqının real maraqları ilə heç bir əlaqəsi olmayan manipulyasiyadır. Məqsəd aydındır – Ermənistanı daxildən parçalamaq, qohumluq əlaqələrinə baxmayaraq insanları bir-birindən ayırmaq, ölkələrimiz arasındakı tarixi sosial-iqtisadi əlaqələri sarsıtmaq, regionda öz təsir dairələrini genişləndirmək, İrəvanı Rusiyaya və avroliberal elitaların diktəsi ilə hərəkət etmək istəməyən dövlətlərə qarşı yönəltmək”.