Aİ-nin missiyası Ermənistanda daimi olacaq? | Qaluzindən açıqlama
“Rusiya Avropa İttifaqının Ermənistandakı missiyasının fəaliyyətinin genişlənməsindən narahatdır və Kanada nümayəndələrinin orada iştirakı NATO-nun Cənubi Qafqaza sürətlə nüfuz etməsindən xəbər verir”.
Bunu Rusiya xarici işlər nazirinin müavini Mixail Qaluzin ölkə mətbuatına müsahibəsində bildirib.
Diplomat qeyd edib ki, Kreml sözügedən təşkilatın Ermənistandakı missiyasının fəaliyyətini mənfi qiymətləndirir və ölkəsi bu barədə dəfələrlə məlumat verib.
M.Qaluzinin fikrincə, Avropa İttifaqının məqsədi region dövlətlərinin – Rusiya, İran və Türkiyənin ənənəvi tərəfdaşları və qonşularının maraqlarına zərər verərək Cənubi Qafqazda möhkəmlənməyə çalışmaqdır.
Nazir müavini onu da qeyd edib ki, Moskva təkcə missiyanın İrəvanın razılığı ilə genişlənməsindən deyil, həm də müvəqqəti fazadan daimiyə çevrilmək məsələsindən narahatdır.
![icon](/images/loading.png)