Pleyeri seçin:
Alimlər qeyri-adi planet kəşf ediblər
Xəbərlərimizi Google-da izləyin
Yeniliklərdən dərhal xəbərdar olun
Kosmosda 563 min 270 kilometr uzunluğunda quyruğu olan yeni planet kəşf edilib.
Xarici medianın xəbərinə görə, Yupiter ölçüsündə olan planet “WASP-69b” adlandırılıb. Fəza cismi Yerdən 160 işıq ili uzaqlıqda yerləşir.
Havaydakı “W.M.Keck” Rəsədxanasının tədqiqatçıları bildiriblər ki, planetin quyruğu kosmosa səpdiyi helium qazından əmələ gəlir.
Kaliforniya Universitetində Astrofizika üzrə doktorantura namizədi və tədqiqatın aparıcı müəllifi Dakotah Tayler isə qeyd edib ki, planetin əvvəlki müşahidələrində ya çox qısa quyruğu olub, ya da ümumiyyətlə olmayıb.
“Ancaq son müşahidələrimizdə biz heliumun yaratdığı quyruğu görə bildik. O, nəhəng planetin öz diametrindən 7 dəfə uzundur”, – deyə o bildirib.
“WASP-69b”nin orbitinin öz ulduzuna çox yaxın olduğu və cəmi 3,9 Yer gününə tamamlandığı qeyd olunub. Alimlər hesablamalarla planetin hər 1 milyard ildən bir Yerin kütləsi qədər qaz itirdiyini düşünürlər.
Kopyalandı
#WASP-69b teqi istifadə olunub
Seçilmişlər
