Alimlərin bu iddiası elm dünyasını silkələdi | Tədqiqatçılar detalları açıqladı

Qədim Misir sivilizasiyasının simvolu olan Giza piramidalarının altındakı sirli strukturlar elm dünyasında böyük marağa səbəb olub. İtaliyalı alimlərdən ibarət qrup Gizadakı üç əsas piramidanı birləşdirən bir yeraltı şəhər sisteminin izlərini tapdıqlarını açıqlayıblar.

Tomoqrafiya və radar təhlilləri bu strukturların ölçülərinin əvvəlki təsəvvürlərdən daha böyük olduğunu və indiyədək görünməmiş bir memarlıq planı ehtiva etdiyini ortaya qoyub.

İddialara görə, Kefren piramidası altındakı strukturlar spiral şəklində düzülmüş və səkkiz əsas sütunu əhatə edən təqribən 600 metrdən uzun yeraltı tunellərdən ibarətdir. Eyni xüsusiyyətlərin Menkaure piramidasının altında da olduğu bildirilir. Menkaurenin daha kiçik olması səbəbindən sütunların sayı az olsa da, strukturların funksional olaraq oxşar olduğu vurğulanır.

Tədqiqat qrupu bu strukturların hava, su, od və torpaq kimi təbii elementlərlə bağlı funksional və ya ayinlərin keçirilməsi üçün yaradılan məkanlar ola biləcəyini düşünür.

İtalyan tədqiqatçılar bu strukturların təxminən 12 min 800 il əvvəl Yerə çırpılan bir asteroid nəticəsində məhv olmuş qabaqcıl sivilizasiyanın izləri ola biləcəyini iddia edirlər.