Alimlərin əldə etdiyi yeni tapıntılar qədim sirrə yenidən maraq yaradıb
Yeniliklərdən dərhal xəbərdar olun
Türkiyənin Ağrı dağı ərazisində Nuhun gəmisinin axtarışı zamanı diqqətçəkən nəticələr əldə edildiyi açıqlanıb.
Bu barədə türkiyəli professor, beynəlxalq tədqiqat layihəsinin rəhbəri Cenker Atilla bildirib.
"2026-cı ildə Ağrı dağı ərazisində Nuhun gəmisinin axtarışı üzrə işlər başa çatıb. Qazıntılar zamanı daşqından əvvəlki dövrə aid olduğu ehtimal edilən gil qablar aşkar edilib. Torpaq nümunələri araşdırılmaq üçün Ankaraya göndərilib. Torpağın analiz prosesi hələ davam edir. Hazırda 100 faizlik nəticə əldə etməsək də, bəşəriyyəti təəccübləndirəcək məlumatlara sahibik. Yaxın vaxtlarda bunlar elmi məqalələrdə və kitablarda dərc olunacaq", – deyə alim bildirib.
Araşdırmalar Ağrı şəhərindən 28 kilometr məsafədə yerləşən Durupınar ərazisində gəmini xatırladan qaya formasında aparılır. Onun uzunluğu 164 metrdir.
Professor Atilla daha əvvəl bildirib ki, Nuhun gəmisinin axtarışı layihəsinə iyunun sonunda başlanılıb. Layihədə beş ölkədən 20-yə yaxın alim iştirak edir.
Araşdırmalar çərçivəsində ABŞ Ordusunun silahlanmasında istifadə olunan radar sistemlərindən yararlanılaraq yer süxurları skan edilib. Bundan əlavə, formasiyanın daxili hissəsindən götürülən nümunələrdə karbon miqdarının xarici hissə ilə müqayisədə 40 faiz çox olduğu müəyyən edilib.
Atillanın sözlərinə görə, bu, üzvi maddələrin və ya ağac qalıqlarının mövcudluğuna işarə edə bilər və Ağrı dağının ətəklərində Nuhun gəmisinin yerləşməsi ehtimalını artırır.
#Türkiyə teqi istifadə olunub
- Türkiyə xarici investorlar üçün yaşama icazəsi qaydalarını dəyişib - ƏSAS XƏBƏR
- Ceyhun Bayramov Bakı və Ankara arasındakı əlaqələrdən danışdı - Baku TV
- Xaricdə əmlak almaq investisiya baxımından sərfəlidirmi?
- Türkiyədə mənzil almazdan əvvəl bunları bilin | Ekspert vacib məqamlardan danışdı - Baku TV
- Türkiyənin hərbi texnologiyasında uğur | Dronlara qarşı tətbiq edilən sistem necə işləyir? - Baku TV
