Pleyeri seçin:
Artıq qadınlar bunları da edə bilməyəcək | Talibandan qalmaqallı qadağalar
Taliban hökuməti Qəndəharda qadınların kişi stomotoloqlarına getməsini qadağan edib.
"Al Arabiya"nın məlumatına görə, Taliban üzvləri Qəndəharda fəaliyyət göstərən diş klinikalarına daxil olaraq qadınları oradan qovublar. Onlara kişi diş həkimlərinə müraciət etməməyi əmr ediblər.
Nəşrin yazdığına görə, Əfqanıstanda Taliban hakimiyyətə gəldikdən sonra ölkədə qadınların hüquqlarını məhdudlaşdıran bir sıra tədbirlər həyata keçirilib.
Məsələn, bu yaxınlarda Əfqanıstan hökuməti qadınların yazdığı kitabları universitetin tədris planından çıxarıb, insan haqları və cinsi qısnama mövzuları da daxil olmaqla 18 fənnin tədrisini qadağan edib.
Bundan əlavə, taliblər Kabildə kütləvi şəkildə qadın gözəllik salonlarını da bağlatdırıblar.
Analitiklər hesab edirlər ki, bu hərəkətlər qadınları ictimai və iqtisadi həyatdan tədricən kənarlaşdırmaq siyasətinin bir hissəsidir.
Kopyalandı
Seçilmişlər
