Atlantik okeanının ən güclü qasırğası kimi dəyərləndirilən “Melissa” Yamayka sahillərinə yaxınlaşıb

Kubaya yaxınlaşan Melissa qasırğası artıq sahilboyu ərazilərdə güclü dalğaların yaranmasına səbəb olub.

Kuba hakimiyyəti 500 mindən çox insanı güclü külək və daşqınlara qarşı həssas olan sahil və dağlıq ərazilərdən təxliyə edib.

Rəsmilərin məlumatına görə, yalnız Santyaqo de Kuba ətrafında yerləşən sığınacaqlarda 250 mindən çox insan yerləşdirilib. Hökumət bölgədə məktəbləri və ictimai nəqliyyatı dayandırıb.

Meteoroloqlar bildirirlər ki, Melissa qasırğası çərşənbə axşamı gecə saatlarında quruya çıxacaq və təxminən 12 saat ərzində Kubanın cənubundan şimalına keçəcək. Bu isə mümkün olan ən güclü qasırğa səviyyəsidir və ciddi dağıntılara səbəb ola bilər.

Qasırğa Kuba ilə bərabər Yamaykaya da təhlükə yaradır. Karib dənizinin qərbində yerləşən ada dövlətlərində rəsmilər “əsrin ən dağıdıcı fırtınası” adlandırılan Melissaya qarşı təcili hazırlıqlara başlayıblar.

Melissa Yamaykanın Neqril şəhərindən təxminən 55 kilometr cənub-şərqdə olub və saatda 295 km-ə çatan maksimal küləklərlə müşayiət edilib. Sinoptiklər 4 metrə qədər fırtına dalğaları və 70 santimetrə qədər isə yağıntı proqnozlaşdırırlar.