Avropa niyə və kimə görə parçalanır?

“Ukraynaya yardım məsələsi Avropanı parçalayıb”. Belə bir başlıqla “Bloomberg” agentliyi məlumat paylaşıb.

Nəşrin iddiasına görə, indi qoca qitənin şərqində yerləşən ölkələr qərbdəki qonşularına daha az etibar edir.

Müəllif qeyd edir ki, Ukraynaya yardım məsələsi ətrafında yaranan mübahisə Avropada dərin bir parçalanma yaradıb. Onun sözlərinə görə, bu da nəticədə silinməz iz buraxa və avrointeqrasiya layihəsini təhlükə altına ala bilər.

Məqalədə bildirilib ki, Şərqi Avropa ölkələri Qərbi Avropanı Kiyevin ehtiyaclarını nəzərə almamaqda ittiham edir.

Yazıda həmçinin Şərqi Avropanın Qərbi Rusiyanın Ukrayna münaqişəsində qələbəsinə görə “bağışlamayacağı" da qeyd olunub.