Avstraliya dolayı yollarla Rusiyadan neft məhsulları alıb?

10 noyabr 2025 177 baxış

Avstraliya Ukraynaya dəstək çərçivəsində Rusiyadan birbaşa yanacaq tədarükünü dayandırdığını bəyan etsə də, ölkə 2023-cü ildən bəri dolayı yollarla 3 milyon tondan çox rus neft məhsulu idxal edib.

Bu barədə “The Guardian” qəzeti məlumat yayıb.

Məlumata görə, Rusiya mənşəli neft əvvəlcə Sinqapura göndərilib, burada bir hissəsi Jurong limanında saxlanılıb. Həmin limanın bir hissəsi Avstraliyanın “Makquarie Bank” investisiya şirkətinə məxsusdur. Daha sonra neft məhsulları Avstraliya şirkətlərinə satılıb.

Analitiklər bildirirlər ki, Avstraliyanın sanksiya mexanizmlərində boşluqlar mövcuddur. Mövcud qaydalar Rusiyadan neft məhsullarının üçüncü ölkələr üzərindən alınmasına mane olmur. Bu isə dolayı şəkildə Rusiyanın enerji gəlirlərini artırır.

Məlumata əsasən, Avstraliya neft idxalının təxminən 25 faizini Sinqapurdan həyata keçirir. Sinqapur isə 2023-cü ildən bu yana Rusiyadan 22 milyon tondan çox neft məhsulu alıb.

#Avstriya