Dünya
Pleyeri seçin:
Balasanyana cinayət işi açıldı: Ermənistan polisi məlumat yaydı
Ermənistan İstintaq Komitəsi Qarabağdakı keçmiş separatçı rejimin qondarma təhlükəsizlik şurasının sabiq “rəhbəri” Vitali Balasanyana qarşı cinayət işinin başlanıldığını açıqlayıb.
Qurumun mətbuat katibi Qor Abramyan bildirib ki, faktla bağlı Ermənistan Cinayət Məcəlləsinin 335-ci, qanunsuz silah saxlama maddəsi ilə cinayət işi başlanılıb.
Ermənistan qanunvericiliyinə görə, həmin maddə ilə azadlıqdan məhrum etmənin maksimum müddəti üç il təşkil edir. Məlumata görə, Vitali Balasanyan Ermənistanda Baş Polis İdarəsinə yaxınlaşaraq təslim olub və qanunsuz saxladığı “Makarov” tipli tapançanı hüquq-mühafizə orqanına təhvil verib.
Hadisə ilə bağlı Baş Polis İdarəsində müvafiq sənədlər tərtib edilib.
Kopyalandı
Seçilmişlər
