Baydenlərin başı bəlaya girdi | Prezidentin oğlunu kim ələ verib?

Amerika Birləşmiş Ştatları Prezidenti Co Baydenin oğlu Hanter Bayden "Fox News" telekanalını məhkəməyə vermək istəyir. O bununla bağlı artıq bütün lazımi qurumlara müraciət də edib.

Belə bir açıqlama ilə Prezident oğlunun vəkilləri çıxış edib.

Tərəflər arasında gərginliyin yaranmasına səbəb kimi isə sözügedən telekanalın Hanterdən intiqam almaq üçün yaydığı özəl şəkilləri və intim videoları göstərilir.

Xarici medianın verdiyi məlumata görə, onsuz da adı xoş hallanmayan Hanter barəsində dəfələrlə məhkəmə iddiaları qaldırılıb. Onun adı ya dələduzluq faktlarında, ya narkotikdən istifadədə, ya da xanımları aldadaraq cinsi istismara cəlb etməsi ilə bağlı hadisələrdə gündəm olub.

Burada sual ortaya çıxır ki, bəs telekanal Baydendən niyə intiqam almaq istəyir?

İlkin ehtimallardan biri onun kanal rəhbərliyi ilə bəzi mövzularda kobud danışması göstərilsə də, ikinci bir versiya kimi kanalın ajiotaj yaratmaq istəyi göstərilir.

Bundan başqa, Hanter Baydenin vəkilləri maraqlı bir iddia da səsləndiriblər. Bildiriblər ki, prezidentin oğlu bir müddət əvvəl kompüterini təmirə verib, ancaq onu götürməyi unudub. Elektron cihazın içindəki məlumatların kimə məxsus olduğunu biləndən sonra da həmin usta onları yaxşı qiymətə telekanala satıb.

Onlar həmçinin bildiriblər ki "Fox News"dan yayımladıqları material barədə aprelin 26-dək cavab verməyi tələb etsələr də, kanal bundan imtina edib.