Beynəlxalq Cinayət Məhkəməsinin 2 hakiminə qarşı sanksiya tətbiq edilib

ABŞ Beynəlxalq Cinayət Məhkəməsinin 2 hakiminə qarşı Fələstindəki vəziyyətin araşdırılması çərçivəsində İsrailin maraqlı ölkələrə yeni bildirişlə bağlı sorğusunu rədd etdikləri üçün sanksiyalar tətbiq edib.

Bu barədə ABŞ Dövlət katibi Marko Rubionun Dövlət Departamentinin mətbuat xidməti tərəfindən yayılan bəyanatında deyilib.

Məlum olub ki, sanksiyalar Gürcüstan və Monqolustan təmsilçilərinə qarşı tətbiq edilib.

"Bu şəxslər Beynəlxalq Cinayət Məhkəməsinin İsrail hakimiyyətinin razılığı olmadan bu ölkənin vətəndaşlarını araşdırmaq, həbs etmək, saxlamaq və məhkəməyə cəlb etmək cəhdləri, xüsusilə 15 dekabrda İsrailin apelyasiyasına qarşı Beynəlxalq Cinayət Məhkəməsinin qərarını dəstəkləyən səsvermə ilə birbaşa əlaqədardırlar", – deyə Dövlət katibi bildirib.

Bəyanatda qeyd olunub ki, ABŞ Beynəlxalq Cinayət Məhkəməsinin İsrailə qarşı hərəkətlərini siyasiləşdirilmiş və digər ölkələr üçün təhlükəli presedent yaradan kimi qiymətləndirib.

Bununla yanaşı, ABŞ Maliyyə Nazirliyi 17 yanvar 2026-cı ilə qədər olan müddətdə sanksiyalara məruz qalan 2 Beynəlxalq Cinayət Məhkəməsinin hakiminin iştirakı ilə bütün maliyyə əməliyyatlarının tamamlanması üçün lazım olan prosesə ümumi lisenziya verib.