Biz müstəqilliklə bağlı pul ödəyən yeganə ölkəyik! - Fransaya tələb qoyuldu

27 sentyabr 2024 254 baxış

“Fransa hakimiyyəti Haitiyə XIX əsrdə müstəqilliyini əldə etmək üçün ödəməyə məcbur olduğu böyük məbləğə görə təzminat verməlidir”.

Bunu Haiti Keçid Dövrü Prezident Şurasının sədri Edqar Leblan Nyu-Yorkda BMT Baş Assambleyasının 79-cu sessiyasının yüksək səviyyəli həftəsində çıxışı zamanı bildirib.

“Haiti mənim vasitəmlə sadəcə təzminat tələb etmir, həm də prinsipial bir məsələ qaldırır. Mənim yanaşmam qətiyyətlidir. Biz mənəvi və tarixi borcun tanınmasına və xalqımızı bu ədalətsiz keçmişin görünməz buxovlarından azad etməyə imkan verəcək ədalətli və müvafiq təzminatın ödənilməsinə çağırırıq”, – deyə E.Leblan qeyd edib.

E.Leblan xatırladıb ki, Haiti müstəqilliyini qanla qazansa da, buna görə pul ödəyən yeganə ölkədir. “Bu borc köləlik zəncirlərindən azad olmaq və Haiti xalqını insan ləyaqətinə yüksəltmək cəsarətinə görə bir cəza forması idi”, – deyə o bildirib.

#BMT Baş Assambleyası