Braziliyada baş verən hadisə görənləri heyrətləndirdi

Braziliyanın şimal-şərqində bir qayıqda ən azı 20 parçalanmış və çürümüş insan cəsədi tapılıb.

Ölkənin Federal İctimai Nazirliyi verdiyi açıqlamada qayığın aprelin 13-də Para ştatının şimal-şərqindəki Braqansa sahilində tapıldığı bildirilib.

Müstəntiqlərin sözlərinə görə, ölənlərin Braziliyadan deyil, Karib hövzəsindən olduğu güman edilir. Səlahiyyətlilər qayıqda ən azı 20 cəsədin olduğu, lakin qalıqların çürüməsi səbəbindən dəqiq neçə nəfərin öldüyünün məlum olmadığını bildiriblər.