Bu ərazidə nadir təbiət hadisəsi yaşandı, həyat dayandı

Antarktikada qütb partlayışı baş verib, nəticədə qar dəniz səviyyəsinə qədər enib.

Bunun təsiri Yeni Zelandiyaya da gəlib çatıb. Ölkə üçün xarakterik olmayan aşağı temperatur qeydə alınıb. Temperaturun mənfiyə düşməsi yolların buz bağlamasına səbəb olub, məktəblərdə dərslər dayandırılıb.

Ölkədəki Cənub Adasının ikinci ən böyük şəhəri olan Dunedin şəhərində polis sakinləri buzlu yollar səbəbindən zərurət olmadığı təqdirdə küçələrə çıxmaqdan çəkinməyə çağırıb. Çünki Dunedində xüsusilə də dəniz səviyyəsində qar nadir haldır.

Səlahiyyətlilər bildiriblər ki, şəhərdəki bütün avtobus xidmətləri ləğv edilib, Yeni Zelandiyanın şimal və cənub adaları arasında bərə xidmətləri isə güclü külək və dalğalar səbəbindən dayandırılıb.

Ölkənin hava bürosu MetService soyuq hava şəraitinin növbəti iki gün ərzində davam edəcəyini və qar yağacağını, buz bağlayan sahələrin genişlənəcəyini açıqlayıb.