Pleyeri seçin:
Güclü yağışlar Yeni Zelandiyada dağıntılara səbəb oldu
Yeni Zelandiyanın paytaxtı Vellinqton şəhərində leysan yağışlar daşqınlara, yolların bağlanmasına və şəhərin mərkəzi, eləcə də cənub rayonlarında torpaq sürüşmələrinə səbəb olub.
Təxminən 521 min nəfər əhalisi olan region üçün təxliyə olunanlara yardım məqsədilə mərkəz yaradılıb.
Mer Endryu Litl bildirib ki, Vellinqton şəhərində bir saatdan az müddətdə 77 mm yağış qeydə alınıb ki, bu da tarixdə ən güclü göstəricidir.
Bəzi insanlar gecə saatlarında su basmış evlərdən qaçmaq məcburiyyətində qalıb, torpaq sürüşməsi yaşayış evlərinə ziyan vurub. Şəhərdə bəzi küçələr boşaldılıb, Fövqəladə Hallar və Yanğın Xidmətinə aprelin 20-də gecə ərzində 150 çağırış daxil olub.
Yeni Zelandiya Polisi bildirib ki, Karori ərazisində su basmış evdə yaşayan bir nəfərin axtarışları davam edir.
Kopyalandı
Seçilmişlər
