Bu faciə canlıları ölümə sürüklədi | Müəmmalı sirrin üstü açıldı
2013-cü ildə ABŞ-nin Florida ştatındakı Hindistan çayı laqununda faciə baş verib. Afalinaların, yəni burunlu delfinlərin populyasiyasının 8 faizi məhv oub.
Beynəlxalq alimlər qrupu çoxillik araşdırmalardan sonra bu fəlakətin səbəbini tapıb.
Müşahidələrə əsasən, 2013-cü ildə delfinlərin 64 faizi zəifləyib. Onların 5 faizi son dərəcə ağır vəziyyətdə olub, ölənlərin ümumi sayı isə 77 fərd təşkil edib. Bu hadisə qeyri-adi kütləvi ölüm kimi təsnif edilib.
Qeyd olunur ki, delfinlərin kütləvi ölümünə səbəb fitoplanktonun çiçəklənməsi nəticəsində ekosistemin pozulması olub.
Fitoplankton suyun üst qatında yaşayan və dənizlərdə, okeanlarda qida zəncirinin əsasını təşkil edən mikroskopik yosunlardır. Lakin onun həddindən artıq böyüməsi dəniz bitkilərinin məhvi və bütün sistemin balansının pozulması kimi fəlakətli nəticələrə səbəb ola bilər.
Alimlər bu cür ekoloji fəlakətin qarşısını almaq üçün gübrələrin, çirkab suların və digər çirkləndiricilərin okean və dənizlərə axıdılmasına nəzarət etməyin vacibliyini vurğulayıblar.
#ABŞ teqi istifadə olunub
- Donald Tramp İlham Əliyevə davamlı dəstəyinə görə təşəkkür edib - Baku TV
- ABŞ-Ukrayna birgə iqtisadi təşəbbüsləri nəzərdən keçirilib
- Tramp FIFA Sülh Mükafatına layiq görüldü
- Stiv Uitkoff ilə Rusiya Prezidenti arasında görüş necə keçib? - Baku TV CANLI
- Supergüclərin sensasiyalı “sülh oyunu” | Rusiya-ABŞ danışıqlarından sonra nə baş verəcək? - Baku TV
