Bu ölkə İrandakı səfirliyini bağladı | Yaşanan gərginliyin səbəbi isə....

Avstraliyanın Baş naziri Entoni Albaniz İran səfirini ölkədən çıxarıb.

“Mehr” xəbər agentliyi məlumat verir ki, Albaniz İranı Avstraliyada baş vermiş antisemit hücumları yönləndirməkdə ittiham edib, İranın bu ölkədəki səfiri Əhməd Sadeqinin və daha üç iranlı diplomatın Avstraliyadan qovulmasına göstəriş verib. Albaniz ölkəsinin SEPAH-ı terror təşkilatı elan edəcəyini bəyan edib.

Avstraliya XİN-dən bildirilib ki, rəsmi Kanberra İkinci Dünya müharibəsindən bəri ilk dəfədir ki, hansısa bir ölkənin səfirini qovur.

Bildirilib ki, İranla diplomatik əlaqələr davam edəcək, lakin Avstraliyanın İrandakı səfirliyi fəaliyyətini dayandırıb.

Qeyd edək ki, ötən il Avstraliyanın Sidney və Melburn şəhərlərində antisemit hücumlar həyata keçirilib. Digər bir tərəfdən isə Braziliya Prezidenti Lula da Silva İsrailin yeni səfir təyinatını təsdiqləməyib.

İsrail mediası məlumat yayıb ki, bu ölkənin Braziliyadakı səfiri Daniel Zonşayn ötən həftə istefaya getdikdən sonra rəsmi Təl-Əviv onun yerinə ölkənin Kolumbiyadakı keçmiş səfiri Qali Daqanı təyin edib. Lakin Daqan Braziliya hökumətindən lazımi razılığı almayıb. İsrail də buna cavab olaraq yeni səfir göndərməyəcəyini və münasibətləri aşağı səviyyəyə endirdiyini açıqlayıb.