Bu ölkənin ən varlı adamının oğlu niyə sərvətini atıb cəngəlliyə getdi?

Malayziyanın ən zəngin adamının oğlu rahib kimi cəngəllikdə yaşamaq üçün 5 milyard dollarlıq səltənətindən imtina edib.

Bu barədə “The Economic Times” nəşri məlumat paylaşıb.

Xəbərdə bildirilib ki, malayziyalı milyarder Ananda Krişnanın yeganə oğlu, 52 yaşlı Ajahn Siripanyo monastır həyatını qəbul edib. O, ata irsindən imtina edərək təbiətin qoynuna atılıb.

Ajahn hələ 18 yaşında ikən rahib olmaq qərarına gəlib və qismətin bu günə nəsib olduğunu xoşbəxtliklə vurğulayıb.

Vaxtilə lüks həyat yaşayan gənc əhatəsini təkliyə, kredit kartlarını mərasim şamlarına, bahalı “Ferrari” markalı avtomobilini isə velosipedə dəyişib.

Ajahnı bir zamanların ən çox pul xərcləyən milyarder balası kimi tanıyırdılar. Hazırda sadə buddist prinsiplərinə əməl edən rahibə çevrilib.

Nəşr iddia edir ki, ailəsi ilə bağlarını qoparmayan Ajahn vaxtaşırı onlara baş da çəkir. Kral ailəsində böyüyən anası hər dəfə ona pul verməyə çalışsa da, əvəzində “yox” cavabı alır. Atası onun monastırının həyətində buddist inancında xüsusilə adı keçən lotus gülləri ilə əhatə olunan su hövzələri də yaradıb.

Xatırladaq ki, Ananda Krişna telekommunikasiya, peyk, neft, daşınmaz əmlak və media sahələrini əhatə edən biznes şəbəkəsinə sahibdir.