Malayziya gəmilərinə Hörmüz boğazından keçməyə icazə verildi
Malayziyanın Baş naziri Anvar İbrahim bildirib ki, İran, Misir, Türkiyə və regionun digər ölkələrinin liderləri ilə danışıqlar aparıb və artıq Malayziya gəmilərinə Hörmüz boğazından keçməyə icazə verilib.
Bu barədə Malaziya mediası məlumat yayıb.
"Hazırda Malayziya neft tankerlərinin keçidini təmin etməklə məşğuluq ki, yüklərin daşınmasında iştirak edən heyətlər evlərinə qayıda bilsinlər", – deyə qəzet İbrahimin televiziya müraciətindən sitat gətirib.
Baş nazir həmçinin İran Prezidenti Məsud Pezeşkiana tankerlərin buraxılmasına icazə verdiyinə görə təşəkkür edib.
O bildirib ki, digər liderlərlə aparılan danışıqlar Yaxın Şərqdəki münaqişənin həlli yollarının tapılmasına yönəlib.
"Lakin bu, asan deyil, çünki İran hesab edir ki, dəfələrlə aldadılıb. Ölkəsi üçün aydın və icrası məcburi təhlükəsizlik zəmanətləri olmadan sülh istiqamətində addımlar atmaq onun üçün çətindir", – deyə Baş nazir vurğulayıb.
A.İbrahim qeyd edib ki, Hörmüz boğazının blokadası Malayziyaya da təsir edir və hakimiyyət orqanları neft və qaz tədarükündə yaranan fasilələrin nəticələrini azaltmaq üçün tədbirlər görür.
#Malayziya teqi istifadə olunub
- Malayziya ilə Tailandın sərhəd sularında gəmi batıb
- Sahibə Qafarova azad olunmuş ərazilərdə görülən işlərdən bəhs etdi
- Partiya üzvü qadınları görün hansı heyvana oxşatdı | Gündəmi çalxalayan xəbər
- Bu dəfə Ukrayna məsələsi Trampı üzdü | Görüşdə nələr müzakirə edilir?
- Malayziya sakinləri dəhşət yaşadı | Hadisənin təfərrüatı açıqlandı
