Pleyeri seçin:
Canlı qüvvənin cəmləşdiyi əraziyə zərbələr endirildi
Ukrayna Müdafiə Qüvvələri Rusiyanın Penza vilayətindəki "Penzanefteprodukt" neft bazasını vurub.
Bu barədə Ukrayna Silahlı Qüvvələri Baş Qərargahının "Telegram" kanalında məlumat yayılıb.
"Qarşı tərəfin hücum imkanlarının, hərbi-iqtisadi potensialının sistemli və planlı şəkildə azaldılması çərçivəsində Rusiyanın Penza vilayətindəki "Penzanefteprodukt" neft bazası vurulub", – deyə paylaşımda bildirilib.
Qeyd olunub ki, obyektdə yanğın baş verib, dəyən ziyanın miqyası dəqiqləşdirilir. Bundan əlavə, Krım ərazisində, Frunze yaşayış məntəqəsi yaxınlığında yerləşən "Podlet" radiolokasiya stansiyası, həmçinin Donetsk və Belqorod vilayətlərində Rusiyanın canlı qüvvəsinin cəmləşdiyi əraziyə zərbələr endirilib. İtkilər dəqiqləşdirilir.
Rusiya Ordusu isə Xarkov vilayətinin Siminovka yaşayış məntəqəsini nəzarətə götürüb. Bu barədə Rusiya Müdafiə Nazirliyi məlumat yayıb.
Kopyalandı
