Pleyeri seçin:
Cənub-Şərqi Asiyada dəhşətli fırtına | Ölənlərin sayı durmadan artır
Cənub-Şərqi Asiyada daşqın və torpaq sürüşmələrinə səbəb olan tropik fırtına nəticəsində ölənlərin sayı 600 nəfəri keçib.
Bu barədə "Reuters" məlumat yayıb.
Məlumata görə, onminlərlə insan evlərini itirib, təbii fəlakət dörd milyondan çox insana təsir edib.
İndoneziyada 435 nəfər ölüb, 406 nəfər isə itkin düşüb. Ölkənin qərb bölgələrində 213 000 nəfər məcburi köçkün vəziyyətinə düşüb.
Tailandda təbii fəlakətdən zərər çəkən 3 milyon insan arasında 170 nəfər ölüb, 100-dən çox insan isə yaralanıb.
Malayziyada fəlakətlə bağlı 3 ölüm hadisəsi qeydə alınıb və təxminən 19 000 insan müvəqqəti sığınacaqlara yerləşdirilib.
Daha bir siklon Şri-Lankada dağıntılara səbəb olub, burada 153 nəfər ölüb, 191 nəfər itkin düşüb və təxminən yarım milyon insan zərər çəkib.
Kopyalandı
