Cənubi Afrika zülmətə qərq oldu | Ölən və itkin düşənlər var...

Cənubi Afrika Respublikasında soyuq və qarlı hava şəraiti davam edir.

Qarın yağması yolların bağlanmasına, elektrik enerjisinin kəsilməsinə və ölümlə nəticələnən qəzalara səbəb olub. Azı 49 nəfər həlak olub, leysan yağışı və qasırğa təxminən 500 min evi işıqsız qoyub.

Fırtınadan ən çox zərər çəkən bölgələr Şərqi Keyp və Kvazulu-Natal vilayətləri olub. Şərqi Keypdə güclü sel nəticəsində bir məktəb avtobusunu sel aparıb. Xilasedicilər ağac budaqlarından yapışan 3 məktəblini xilas edib.

Şərqi Keypin Baş naziri Oskar Mabuyane baş vermiş faciəyə görə çox kədərli olduğunu bildirib:

“Hadisə yerində əməliyyat aparan xilasedicilər təsdiqləyiblər ki, məktəbli avtobusunda ümumilikdə 13 nəfər olub, onlardan ikisi sürücü və biri sürücünün köməkçisi olub. Təəssüf ki, şagirdlərdən dördü, bir sürücü və köməkçisi vəfat edib. Altı şagird isə hələ də itkindir, onların axtarışları davam edir”.

Qeyd edək ki, insan tələfatının qarşısını almaq məqsədilə iki əyalətdə bəzi əsas yollar bağlanıb. Meteoroloji Xidmət vətəndaşlara hava şəraitinin hələ bir neçə gün belə davam edəcəyi barədə xəbərdarlıq edib.