Çuntsin əriştəsi mədəniyyət festivalında 887 nəfər eyni vaxtda üç fərqli dadı sınayıb

Çinin cənub-qərbində yerləşən Çuntsin şəhərində əriştə həvəskarları qeyri-adi rekorda imza atıblar.

Dadukou rayonunda keçirilən 6-cı Çuntsin Əriştəsi Mədəniyyət Festivalı çərçivəsində mindən çox insan dünyanın ən böyük əriştə dequstasiyasını təşkil etməyə çalışıb.

İştirakçılar yerli mətbəxin üç məşhur növünü – acılı, noxudlu və qiyməli-noxudlu əriştəni dadıblar. Məqsəd eyni vaxtda ən çox insanın əriştə dadması üzrə "Ginnesin Rekordlar Kitabı"na düşmək olub. 

Festivalın əsas diqqətçəkən məqamı isə rekord cəhdinin nəticəsi olub. Rəsmi yoxlamadan sonra 887 nəfərin bu sınaqda iştirak etdiyi təsdiqlənib.

Beləliklə, Çuntsin sakinləri və şəhərin qonaqları təkcə yerli mətbəxin dadlarını kəşf etməyib, həm də əriştəni dünya rekorduna çevirən kütləvi tədbirin iştirakçısı olublar.

Festival çərçivəsində keçirilən bu təşəbbüs Çuntsin əriştəsinin tanıdılması və yerli kulinariya ənənələrinin təşviqinə də xidmət edib.