Pleyeri seçin:
Dneprdə xəstəxanaya raket hücumu: ölən və yaralananlar var
Mayın 26-da Rusiya Silahlı Qüvvələri Ukraynanın Dnepr şəhərini raket atəşinə tutub.
Bu barədə Ukrayna Prezidenti Volodimir Zelenski “Telegram”da yazıb. Prezident qeyd edib ki, Dnepr şəhərindəki tibb müəssisəsinə raketlərin düşməsi nəticəsində 1 nəfər ölüb, 2-si uşaq olmaqla 23 nəfər yaralanıb.
Dnepropetrovsk vilayətinin hərbi administrasiyasının rəhbəri Sergey Lısak bildirib ki, yaralananların ikisinin vəziyyəti ağır olduğundan ölü sayının artacağı istisna olunmur. Qeyd olunub ki, 4 nəfər itkin düşmüş hesab edilir. Hazırda dağıntılar altında qalanların xilas edilməsi üçün bütün lazımi tədbirlər həyata keçirilir.
Məlumata görə, hadisə nəticəsində yaxınlıqda olan binalara da ziyan dəyib.
Kopyalandı
Seçilmişlər
