Dünya
Pleyeri seçin:
Donald Tramp 2-ci dəfə bu mükafata layiq görüldü | Dünyaya ən çox təsir edən ABŞ-nin lideri
ABŞ-nin “Time” jurnalı ölkənin yenidən seçilmiş prezidenti Donald Trampı “İlin adamı” elan edib.
Bu barədə Təşkilat Komitəsi məlumat yayıb.
Qeyd edək ki, 78 yaşlı Tramp bu mükafata 2-ci dəfə layiq görülür. O, 2016-cı ildə ABŞ-də prezident seçkilərinin qalibi olduğu zaman da “İlin adamı” seçilmişdi.
Nəşrin qənaətinə görə, ABŞ lideri son 12 ay ərzində dünyaya ən çox təsir edən şəxs olub.
“Time” jurnalı 1927-ci ildən bəri hər dekabr ayında “İlin adamı”nı seçir və onların şəklini nəşrin üz qabığında yerləşdirir. Builki namizədlər arasında ABŞ-nin vitse-prezidenti Kamala Harris, Uels şahzadəsi Keyt Midlton, milyarder İlon Mask, rusiyalı müxalifət lideri Aleksey Navalnının həyat yoldaşı Yuliya Navalnaya, İsrailin Baş naziri Benyamin Netanyahu, Meksikanın ilk qadın prezidenti Klaudia Şeinbaum və “Meta” şirkətinin sahibi Mark Zükerberq də olub.
Kopyalandı
Seçilmişlər
