Donald Trampa etiraz edənlər həbs olundu

Kolumbiyanın paytaxtı Boqotada ABŞ Prezidenti Donald Trampın siyasətinə qarşı etiraz edənlər tərəfindən ABŞ səfirliyinə hücum olunub.

Yerli hakimiyyət orqanlarının bildirdiyinə görə, etirazçılar partlayıcılardan istifadə ediblər. Hadisə nəticəsində 4 polis əməkdaşı yaralanıb. Onlar üz, ayaq və qol nahiyələrindən ciddi yanıq xəsarətləri alıblar.

Ölkə Prezidenti Qustavo Petro ABŞ diplomatik missiyasına maksimum mühafizənin təmin edilməsi üçün göstəriş verdiyini qeyd edib.

“Söz verdiyim kimi, səfirlik mühafizə olundu. Kolumbiya beynəlxalq müqavilələrə əməl edir”, – ölkə liderinin bəyanatında deyilir.

Qeyd edək ki, oktyabrın 17-də yerli güc strukturları Çikaqo şəhəri ətrafında ABŞ-nin İmmiqrasiya və Gömrük Mühafizəsi binası qarşısında toplaşan onlarla nümayişçini həbs edib. Etirazlara səbəb D.Tramp Administrasiyasının ABŞ-də qeyri-qanuni yaşayan mühacirləri deportasiya etmək üçün səylərini gücləndirməsidir. Son həftələrdə Çikaqoda gərginlik yüksək həddə çatıb.