Dünya buna necə susur? | Fələstinin BMT-dəki nümayəndəsindən təsirli çıxış

İsrailin Qəzza zolağına raket zərbəsi yenə insan tələfatına səbəb olub.

“Al-Jazeera”nın yaydığı məlumata görə, Cəbaliyyə ərazisinə bir neçə aviazərbə olub. Nəticədə 19 nəfər həlak olub, 37 nəfər yaralanıb.

Mənbənin məlumatına görə, həyatını itirənlərdən yeddisi azyaşlı uşaqlar olub.

Elə Fələstinin BMT-dəki nümayəndəsi Riyad Mənsur öz çıxışı zamanı göz yaşlarını saxlaya bilməyərək “Qəzzada uşaqlar ölür” deyə dünyaya çağırış edib.

“Necə ola bilər ki, bu qədər günahsız uşaq ölür və dünya buna susur? Mənim də nəvələrim var. Onlar üçün canımdan keçərəm. Amma Qəzzadakı uşaqların nə onları müdafiə edəcək valideyinləri, nə də qeydlərinə qalacaq yaxınları qalıb. Dünya hələ də bu baş verənlərə susursa, ədalətdən, insaniyyətdən, bəşəriyyətin gələcəyindən danışmağa haqqımız yoxdur. Qəzza zolağında acından, xəstəlikdən ölən uşaqlar, qorxudan ağlayan körpələr var. Övlad itkisinə dözməyən analar var. Bunları bir anlıq təsəvvür edin. Fələstinlilər 600 gündür bu müsibəti yaşayırlar”, – deyə o bildirib.