Dünyanı gözləyən fəlakət barədə xəbərdarlıq | Hətta ən yaxşı halda belə...

04 iyun 2025 457 baxış

ABŞ, İsveçrə, Belçika və digər ölkələrdən olan beynəlxalq tədqiqat qrupu müəyyən edib ki, hazırkı istiləşmə templəri davam edərsə, 2100-cü ilə qədər Yer kürəsinin buzlaq kütləsinin 76 %-i yox olacaq.

Bu isə dəniz səviyyəsinin 23 santimetr qalxmasına və bir sıra digər geri dönməz fəsadlara səbəb olacaq.

Ən ciddi narahatlıq doğuran bölgələrdən biri Alyaskadır. Qlobal miqyasda üçüncü ən böyük buzlaq ehtiyatına sahib olan bu ərazi 69 % buzlağını itirə bilər. Hətta ən nikbin ssenaridə belə Alyaska öz buzlarının 41 %-ni, dünya üzrə isə buzlaqların ümumilikdə 47 %-i itiriləcək.

Əvvəlki tədqiqatlardan fərqli olaraq bu model 2100-cü illə məhdudlaşmır, buzlaqların tam "tarazlıq" vəziyyətinə çatacağı uzunmüddətli dövrü də əhatə edir. Məsələn, Alyaska üçün bu dövr 330 il davam edə bilər. Araşdırmada 10 ölkədən 21 alim iştirak edib və onlar 200 min buzlağı təhlil etmək üçün səkkiz fərqli iqlim modeli tətbiq ediblər.

#Yer kürəsi