Elektrik avtomobillərində hansı problem aşkarlandı? | "Tesla" almaq istəyənlərin diqqətinə

Yeni “Tesla” elektrik avtomobillərinin bort kompüteri kütləvi şəkildə sıradan çıxmağa başlayıb.

Bu barədə “Electrek” məlumat yayıb.

Jurnalistlər elektromobilin bort kompüterinin xarab olması ilə üzləşən avtomobil sahiblərinin şikayətlərini toplayıblar. Problem qısaqapanma səbəbindən sıradan çıxan “Tesla” kompüterinin yeni versiyası ilə bağlıdır.

Şirkət daxilindəki insayderlər bildiriblər ki, problem arxa görüntü kamerasının kalibrlənməsi zamanı baş verir və bilavasitə batareya ilə bağlıdır. Bununla belə, “Tesla” mühəndisləri hələ də araşdırma aparırlar.

Materialda qeyd edilir ki, belə nasazlıqlara görə “Tesla” maşınları geri çağırmağa məcburdur.

Qeyd edək ki, noyabrın ortalarında “Tesla” “Cybertruck” pikapları üçün geri çağırma kampaniyası elan edib. Kampaniya çərçivəsində korporasiya 2 500 min elektromobili geri çağıracaq.