Erməni müğənnidən ağlasığmaz addım: oğlunu oğurlatdı

77 yaşlı erməniəsilli müğənni Şer oğlu Elaycanı hoteldən qaçırmaqda ittiham olunur. Müğənni bunun üçün 4 agentlə razılaşıb.

Həmin vaxt Elayca keçmiş həyat yoldaşı Mariangela ilə toylarının ildönümündə barışmağa çalışıb. Şerin gəlini keçmiş əri yoxa çıxandan 4 gün sonra sözügedən plandan xəbərdar olub və məhkəməyə müraciət edib.

“2022-ci il noyabrın 30-da, toyumuzun ildönümündə gecə 4 nəfər hotel otağımıza basqın edərək Elaycanı çölə çıxardı. Həmin şəxslərdən biri mənə onları Elaycanın anasının göndərdiyini bildirdi”, – deyə Şerin keçmiş gəlini vurğulayıb.

Oğurlandıqdan sonra Şerin oğlu Los-Ancelesdəki bir hotelə yerləşib. Hotel işçiləri onun narkotik asılılığı səbəbindən qeyri-adi davranışı ilə bağlı mütəmadi olaraq şikayətləniblər. Nəticədə Elayca reabilitasiya klinikasına köçürülüb.

“Demək olar ki, hər gün hotelin qarşısında görünürdü. Səkidə oturub siqaret çəkirdi. Siqaretlə çölə çıxırdı, çəkib qurtaranda huşunu itirirdi. O, evsiz bir avaraya oxşayırdı”, – deyə hotel işçiləri qeyd ediblər.