Erməni vitse-spikerdən Qaluzinin açıqlamalarına reaksiya
“Ölkə və onun təhlükəsizlik sistemi ilə bağlı bütün problemlər Ermənistan hakimiyyəti tərəfindən, dövlətin maraqlarından çıxış edərək həll olunur”.
Bu sözləri Ermənistan parlamentinin vitse-spikeri Akop Arşakyan Rusiya xarici işlər nazirinin müavini Mixail Qaluzinin Ermənistanda Avropa İttifaqının missiyasının fəaliyyəti ilə bağlı narahatlığına münasibət bildirərkən deyib.
A.Arşakyan əlavə edib ki, İrəvanın ikitərəfli münasibətlər çərçivəsində Moskvadan cavab gözlədiyi suallar var:
“KTMT-nin fəaliyyəti, Ermənistanın təhlükəsizlik sistemi və 10 noyabr 2020-ci il tarixli üçtərəfli bəyanatın müddəalarının icrası və ya yerinə yetirilməməsi ilə bağlı münasibətlərdə problemlər var”.
Qeyd edək ki, bir müddət əvvəl M.Qaluzin Ermənistanın ABŞ-də keçirilən NATO sammitinə qatılmasına görə İrəvana xəbərdarlıq edib. Bundan başqa, o, Avropa İttifaqı missiyasının fəaliyyətinin Rusiya obyektləri haqqında kəşfiyyat məlumatı toplamaq olduğunu bildirib.
![icon](/images/loading.png)