Ermənilər küçələrə axışdı | Qatilin doğum günündə yürüş keçirildi

Ermənistanın paytaxtı İrəvanda faşistlər yad edilib. Bir qrup şəxs İkinci Dünya müharibəsi dövründə III Reyxlə əməkdaşlıq etmiş nasist Qaregin Njdenin abidəsi önündə toplaşaraq şüarlar səsləndirib.

Mərkəzi küçələrdən başlayaraq heykəlin qarşısına qədər yürüş edən onlarla insan faşistin doğum günü münasibətilə çıxışlar ediblər.

Erməni nasistlərinin görüntüləri sosial şəbəkələrdə yayımlanıb. Kadrlardan da göründüyü kimi, onlar Qaregin Njdeni Ermənistan xalqının xilaskarı və qəhrəman kimi qələmə veriblər.

Xatırladaq ki, 2016-cı ildə Ermənistanın keçmiş prezidenti Serj Sarkisyanın və digər rəsmi şəxslərin iştirakı ilə İrəvanda nasistin şərəfinə abidə qoyulub. Həmin ərəfədə məsələyə münasibət bildirən Rusiya Xarici İşlər Nazirliyi nasizmlə əməkdaşlıq etmiş bir insana heykəl qoyulmasının anlaşılmaz və doğru olmadığını bildirmişdi. Sözügedən açıqlamadan sonra Ermənistanda Rusiyaya qarşı kəskin tənqidlər səslənmişdi. Ermənilər bildirirdilər ki, Qaregin erməni xalqının milli qəhrəmanıdı