Ermənilər Paşinyana bunu da etdi | Nikolun məmurundan vacib açıqlama

Ermənistan mediasında ölkənin Baş naziri Nikol Paşinyanın istefa verməsi, sentyabrda növbədənkənar parlament seçkisi keçirmək qərarına gəlməsi barədə məlumatlar paylaşılıb.

Məsələyə aydınlıq gətirən Baş nazirin aparat rəhbərinin müavini Taron Çaxoyan şəxsi “Facebook” hesabında paylaşım edərək məlumatları təkzib edib.

Bildirib ki, bəzi kütləvi informasiya vasitələrində hökumət rəhbəri haqqında ictimaiyyəti çaşdıracaq feyk məlumatlar paylaşılıb.

“İlboyu yalan xəbərlər yayan eyni media bu gün də sadəcə olaraq 1 Aprel zarafatı edib. Xahiş edirəm, belə nəşrləri ciddi qəbul etməyin, çünki hamının əhvali-ruhiyyəsi yüksəkdir. 1 Aprel bayramınız mübarək olsun”, – deyə Taron Çaxoyan paylaşımında qeyd edib.