Ermənistan qüvvələri əməliyyata start verdi | Paşinyanın “Eçmiədzin planı”nın pərdəarxası məqamları

Ermənistan parlamentindəki davaya aid yeni görüntülər yayılıb. Deputatlar bir-birini yumruqlayıb.

Aren Mkrtçyan müxalifətçi Qeqam Manukyanı vurub, hakim “Vətəndaş müqaviləsi” partiyasından olan Artur Ovannisyan müxalifətçiyə “sənin boynunu üzərəm” deyib. Buna səbəb deputat toxunulmazlığının əlindən alınması müzakirə olunan Artur Sarkisyanın Paşinyan tərəfdarlarını təhqir etməsi olub.

Artur Ovannisyan həmçinin bildirib ki, müxalifətçilər kilsədə ibadət edəndən sonra zor gücü ilə hakimiyyət dəyişikliyini müzakirə edirlər.

Deputatın fikrincə, hakimiyyətə gəlmək istəyənlərin lideri Robert Koçaryandırsa, məntiqlə katolikosları da elə Ktriç Nersisyan olmalıdır.

“Onların ibadət adlandırdıqları II Qareginin kilsədə insanların güllələnməsi haqqında verdiyi tapşırıqlardır. Görün bu insanların küfrü hansı səviyyədədir ki, heç nə veclərinə deyil. Onların mənəvi obrazı elə budur”, ‒ deyə Ovannisyan bildirib.

Eçmiədzindəki kilsədə genişmiqyaslı yoxlama aparmaq üçün 100 müstəntiq cəlb olunub. Katolikosun iqamətgahında da axtarışlar aparılacaq.

Ermənistanın kütləvi informasiya vasitələrində yayılan məlumata görə, hüquq-mühafizə orqanlarının əməkdaşları əməliyyat üçün səfərbər ediliblər.

“Ermənistan Elektrik Şəbəkələri"nin binası və Samvel Karapetyanın qardaşı oğlunun evində aparılan axtarışlar əsl hədəfin diqqətdən yayındırılması üçündür”, ‒ deyə məlumatda bildirilib. Əsl hədəf isə II Qaregindir.