Pleyeri seçin:
“Fələstin dövlətini tanıyın!” | Tarixi bəyannamə dünyaya elan edildi
15 Qərb ölkəsi digər dövlətləri Fələstin dövlətini tanımaq niyyətlərini bəyan etməyə dəvət edib.
Bu barədə Fransa xarici işlər naziri Jan-Noel Barro məlumat verib.
Nazir bildirib ki, Fransa, Kanada və Avstraliya da daxil olmaqla, ümumilikdə 15 ölkə Fələstini tanımaq niyyətlərini bəyan edib.
“Fransa Nyu-Yorkda 14 başqa ölkə ilə birlikdə müraciət edir: Fələstin dövlətini tanımaqda qətiyyətimizi ifadə edirik və hələ də bunu etməyənləri bizə qoşulmağa çağırırıq”, ‒ Barro BMT-də İsrail-Fələstin münaqişəsinin ikidövlətli həllinə dair nazirlər konfransının yekununda irəli sürülən Nyu-York Bəyannaməsinin qəbulundan sonra sosial mediada yazıb.
Qeyd edək ki, Fələstin məsələsinin sülh yolu ilə həlli və iki dövlətli həllin həyata keçirilməsinə dair Nyu-York Bəyannaməsində HƏMAS-ın Qəzza zolağında hakimiyyətinə son qoyulması və onun silahlarının Fələstin muxtariyyətinə təhvil verilməsinin zəruriliyi vurğulanıb.
Kopyalandı
