Fələstindəki qırğınlara məhəl qoymayanlar... | Ərdoğan SƏRT DANIŞDI

Türkiyə Prezidenti Rəcəb Tayyib Ərdoğan beynəlxalq qadın haqları təşkilatlarını Qəzzada qadın və uşaqların ölümünə susmaqda ittiham edib.

R.T.Ərdoğan bunu martın 8-də qadınlarla bağlı keçirilən tədbirdəki çıxışında deyib.

“Fələstindəki qırğınlara məhəl qoymayanlar ardıcıl, təsirli və qərəzsiz ola bilməz. Sizdən soruşuram, qadın haqları ilə bağlı hay-küy salanlar Qəzzada ölənlərin müdafiəsi üçün səslərini ucaltdılarmı? Biz diplomatik təşəbbüslərimiz və köməyimizlə Fələstində öz mövqeyimizi ortaya qoyuruq. Bəşəriyyətin qalan hissəsinə hüquqlar və qanunlar haqqında mühazirə oxuyanların İsrailin soyqırımı siyasətinə qarşı hərəkətə keçdiyini görmüsünüzmü?”, – R.T.Ərdoğan bildirib.