Pleyeri seçin:
Fransa niyə ardıcıl baş nazirləri itirir | 20 ayda 4 baş nazir
Fransa Milli Assambleyası Fransua Bayru hökumətinə etimadsızlıq səsverməsi keçirib.
Bu barədə "Reuters" xəbər verir. Səsvermənin nəticəsinə görə, Nazirlər Kabinetinin istefasına 364 deputat səs verib.
Etimadsızlıq səsverməsi üçün 577 deputatdan azı 288-nin dəstəyi tələb olunur. Bu prosedurun təşəbbüskarı Bayru özü olub.
Belə ki, onun kabineti 2026-cı ildə vergi dərəcələrinin, sosial müavinətlərin və pensiyaların cari səviyyədə dondurulmasını təklif etsə də, əksər siyasi qüvvələr bu planla razılaşmayıblar.
Beləliklə, Fransa Prezidenti Emmanuel Makron 20 ayda dördüncü baş nazirini etimadsızlıq səsverməsində itirir və bu, borc içində olan ölkəni daha da böhrana sürükləyir.
Qeyd edək ki, hazırda Fransa böyük borc böhranı ilə üz-üzədir. 2025-ci ilin birinci rübünün sonunda ölkənin dövlət borcu 3,346 trilyon avro təşkil edib. Hökumət xərcləri azaltmaq istəsə də, yetərli siyasi dəstək qazana bilməyib.
Kopyalandı
#Fransa teqi istifadə olunub
Seçilmişlər
