Fransa polisinə olimpiada müddətində bunlar qadağan edildi

“Polis əməkdaşları qarşıdan gələn olimpiada zamanı qonaqpərvər Fransa obrazını yaratmalıdırlar, buna görə də onlara mobil telefondan və saqqızdan istifadə etmək qadağan olunacaq”.

Bunu Fransanın daxili işlər naziri Gerald Darmanin deyib.

O, dünyanın hər yerindən nümayəndə heyətlərini qəbul etməyə hazırlaşan ölkənin imicindən narahat olduğunu dilə gətirib.

Nazirin sözlərinə görə, sadəcə bir-iki polis əməkdaşının səhvi qəzet qalmaqalına səbəb ola bilər.

“Olimpiada zamanı saqqız çeynəmək olmaz. Polis məmurları möhkəmlik və təhlükəsizlik imicini əks etdirməlidirlər. Biz mobil telefonlarımıza baxmırıq, insanları salamlayırıq və istənilən şəraitdə sakit qalırıq”, – deyə Fransanın daxili işlər naziri bildirib.

Məmur tabeliyində olanlara daim gülərüz, nəzakətli və qonaqpərvər olmalarını arzulayıb.

O əlavə edib ki, hüquq-mühafizə orqanları əməkdaşlarının 2-ci dəfə ilk yaxşı təəssürat yaratmaq şansı olmayacaq.

Qeyd edək ki, hər gün orta hesabla təxminən 35 min polis və jandarm olimpiadanın təhlükəsizliyini təmin edəcək. Oyunlar iyulun 26-dan avqustun 11-dək keçiriləcək.