Frankofoniyanın Qarabağda nə işi var idi? | Separatizm “toxumu”

Aprelin 29-da Fransanın daxili işlər naziri Jerar Darmaninin Azərbaycanı Yeni Kaledoniyanın timsalında separatçılığa dəstək verməkdə günahlandırması ölkəmizdə haqlı olaraq təəccüblə qarşılanıb.

Öz gözündə tiri görməyib başqasının gözündə tük axtaran rəsmi Parisin Ermənistana, Qarabağda fəaliyyət göstərmiş separatçılara dəstəyini son 30 ildə yalnız Azərbaycan xalqı yox, bütün dünya görüb.

Buna dair daha bir faktı da xatırlatmağı lazım bilirik. Fransanın təşəbbüsü ilə yaranmış və bu ölkənin əsas söz sahibi olduğu Frankofoniya təşkilatının vaxtilə erməni separatçılarının nəzarətində olan Xankəndidə də ofisi fəaliyyət göstərib.

Rəsmi Paris bunu necə izah edə bilər? Bu açıq -aydın separatizmə dəstək deyildimi? Odur ki, Fransa Azərbaycanı nədəsə ittiham etməzdən əvvəl öz addımlarına nəzər yetirməlidir.

Qeyd edək ki, Frankofoniya təşkilatı ötən əsrin ikinci yarısında Fransanın təşəbbüsü ilə yaradılıb və sıralarında əsasən bu ölkənin keçmiş müstəmləkələrini birləşdirir. Təşkilatın 54 üzvü, 7 assosiativ üzvü və 27 müşahidəçi statuslu üzvü var. Ermənistan da Frankofoniya təşkilatının üzvüdür.