Fransadakı seçkilərin ilkin nəticələrindən sonra Attaldan önəmli açıqlama

Fransanın Baş naziri Qabriel Attal iyulun 8-də istefa ərizəsini Prezident Emmanuel Makrona təqdim edəcəyini açıqlayıb.

Onun çıxışını BFMTV yayımlayacaq.

“Bu gecə təmsil olunduğum siyasi fraksiya son həftələrdə hesab olunandan 3 dəfə daha yaxşı çıxış etsə də, səs çoxluğu əldə edə bilmədi.

Beləliklə, demokratik ənənəyə uyğun olaraq, iyulun 8-də səhər istefa ərizəmi respublika prezidentinə təqdim edəcəyəm”, – Q.Attal növbədənkənar parlament seçkilərinin ilkin nəticələrindən sonra deyib.